ថ្ងៃទី 22 ខែកកដ្តា ឆ្នាំ2011,
ស្បែករបស់ស្ត្រីមានផ្ទៃពោះ ភាគច្រើនស្ងួត និងងាយប្រេះស្រកា ជាពិសេស ស្បែកពោះតែម្តង ដែលមានការពង្រីកខ្លួនយ៉ាងខ្លាំង។
ការជ្រើសប្រើក្រែម ដែល សមស្រប អាចជួយឱ្យស្បែកអ្នកយឺតមានសំណើម និងបន្ថយប្រេះសង្វារបាន។ អ្នកជំនាញបានឱ្យដឹងថា ស្ត្រីមានផ្ទៃពោះ គួរប្រើក្រែមប្រភេទសម្បូរជាតិសំណើម (Rich Moisturizer) ឬប្រភេទដែលផ្សំដោយវីតាមីន E។
ប្រេងដូង ប្រេងល្ង និងប្រេងអូលីវ សុទ្ធតែជាប្រេងដែលល្អចំពោះស្បែក និងមិនមានសារធាតុគីមីរួមផ្សំជាមួយ។ ចំណែកប្រេងទារក (Baby Oil) គួរប្រើ នៅពេលដែលស្បែកសើម បន្ទាប់ពីងូតទឹករួច។ ម៉្យាងទៀត ស្ត្រីមានផ្ទៃពោះ គួរ ចៀសវាងកត្តាដែលធ្វើឱ្យស្បែកស្ងួត ដូចជា ចៀសវាងងូតទឹកក្តៅឧណ្ហៗ ព្រោះវា ធ្វើឱ្យស្បែកស្ងួត ហើយនៅពេលងូតទឹករួច អ្នកគួរលាបក្រែមភ្លាមៗ មិនគួរលាប ម្សៅឡើយ ព្រោះវាធ្វើឱ្យស្បែកកាន់តែស្ងួត ព្រមទាំងទទួលទានទឹក និងផ្លែឈើ ជាប្រចាំផង។
ប្រសិនបើអ្នកស្ថិតនៅក្នុងប ន្ទប់ម៉ាស៊ីនត្រជាក់ ត្រូវឧស្សាហ៍លាបក្រែម ថែស្បែក នៅអំឡុងពេលថ្ងៃ។ ក្បាលពោះដែលប្រេះសង្វាររួចទៅហើយ មិនអាច ព្យាបាលឱ្យជាដាច់បាននោះឡើយ គ្រាន់តែអាចកាត់បន្ថយបានខ្លះ។ ទោះយ៉ាងណា ស្បែកដែលប្រេះសង្វារតិច ឬច្រើន អាស្រ័យទៅលើសភាពស្បែករបស់អ្នក ដែលអ្នកមិនចាំបាច់បារម្ភពេកនោះឡើយ៕
0 comments:
Post a Comment