ដោយ៖ ខ្មែរស្ថាបនា ថ្ងៃព្រហស្បតិ៍ ទី15 ខែធ្នូ ឆ្នាំ2011 ម៉ោង 12:44
តើអ្នកចង់ដឹងថា លើពិភពលោកគេ “ស្នេហា” គ្នាដូចម្តេចទេ? ហើយនៅប្រទេសណាដែលមានពេលវេលាគួរឲ្យច្រណែនបំផុត? តួលេខខ្លះៗខាងក្រោមនេះ នឹងធ្វើឲ្យអ្នកភ្ញាក់ផ្អើល!
សៀវភៅ Pwenguin Alas of Human Sexual Behavior បោះពុម្ពផ្សាយនៅឆ្នាំ២០០០ មានកម្រាស់ ១២៨ ទំព័រ បានផ្តល់ឲ្យនូវតួលេខគួរឲ្យភ្ញាក់ផ្អើលលើផ្នែកជាច្រើននៃបញ្ហា Sex។ ជាមួយចក្ខុវិស័យសាកល រួមមានបណ្តាប្រទេស និងដែនដីលើលោកយើងនេះ បណ្ឌិត Judith Maekay បានធ្វើការប្រៀបធៀបគួរឲ្យចាប់អាម្មណ៍ ជាអារ៍ៈ កំរិតនៃអាយុចាប់ផ្តើមបើក “ប្រតិបត្តិការ” រយៈពេល “ប្រតិបត្តិការ” លឿន និងយឺតបំផុត រយៈពេល “ប្រតិបត្តិការ” វែង និងខ្លីបំផុត...។
កំរិតអាយុ “ប្រតិបត្តិការ” លើកឡើង
ចំពោះនារីៈ ប្រទេសដែលមានកំរិតអាយុ “ប្រតិបត្តិការ” លើកដំបូងឆាប់បំផុត គឺអាហ្វ្រិកកណ្តាល និងសាធារណៈរដ្ឋឆេក ប្រមាណ ១៥ឆ្នាំ។ អេហ្ស៊ីព ថៃ អ៊ីតាលី Ecuador ហ្វីលីពីន ជាមធ្យមស្រីចាប់ផ្តើម “ប្រតិបត្តិការ” ពីអាយុ ២០ឆ្នាំ ឡើង។
ចំពោះបុរសៈ កំរិតអាយុ “ប្រតិបត្តិការ” ជាមធ្យមឆាប់បំផុតនៅ ប្រេស៊ីល ប៉េរូ កេនយ៉ា ហ្សាំបៃ អេហ្ស៊ីព ទួគី គឺ ១៦ឆ្នាំ។ អ៊ីតាលីរក្សាលំដាប់ “ប្រតិបត្តិការ” យឺតជាងគេ គឺ ១៩ឆ្នាំ។ បុរសនៅអង់គ្លេសឈានចូលឋានសួគ៌លើកដំបូង គឺ ១៨ឆ្នាំ។
រយៈពេល “ស្នេហា” និងវិធានការពន្យាកំណើតៈ
តាមសៀវភៅខាងលើដដែលនោះ ក្នុង១ថ្ងៃ មានសមត្ថភាព “ស្នេហា” ប្រព្រឹត្តទៅប្រមាណ ១២០ លានដង នៅទូទាំងពិភពលោក។ ដូច្នេះ គឺមានមនុស្ស ២៤០ លាននាក់ “ស្នេហា” ក្នុង១ថ្ងៃៗ ហើយនៅពេលដែលពិភពលោកមានចំនួន ៦,១ ពាន់លាននាក់ (ឆ្នាំ ២០០០) នោះគឺប្រមាណ ៤% បានប្រព្រឹត្ត “បទល្មើស” ក្នុង១ថ្ងៃៗ។
ឯកត្តកម្មនៃពេលវេលា “ស្នេហា” គ្នាធម្យម វែងបំផុត គឺ ប្រេស៊ីល ដល់ទៅ ៣០នាទី។ អាមេរិក កាណាដា អ៊ីតាលី គឺ ២៨នាទី ២៣នាទី និង ២១នាទី។ ផ្ទុយទៅវិញ ថៃ គឺជាប្រទេសដែលមានពេលវេលា “ស្នេហា” ធម្យមខ្លីបំផុត គឺតែ... ១០នាទី និង រុស្ស៊ី ១២នាទី។
ក្នុងកំរិតវ័យពី១៦ឆ្នាំ ដល់ ៤៥ឆ្នាំ រុស្ស៊ី អាមេរិក បារាំង ត្រូវបានកត់ត្រា ជាប្រទេសដែល “ស្វាហាប់” បំផុតក្នុងរឿង “ស្នេហា” ព្រោះនៅទីនោះ គេសារភាពថា ពួកគេច្រើន “ប្រតិបត្តិការ” ១៣០ ដង ក្នុង១ថ្ងៃៗ។ ហុងកុង ត្រូវបានចាត់ទុកជាទឹកដីដែល “ខ្ជិល” បំផុត គឺប្រមាណតែ ៥០ដង ប៉ុណ្ណោះ ក្នុង១ឆ្នាំៗ។
វិធានការពន្យាកំណើតទំនើប ត្រូវបានប្រើប្រាស់ជាទូទៅបំផុតនៅ ចិន អូស្រ្តាលី កាណាដា ប្រេស៊ីល និង អឺរ៉ុបខាងលិច ហើយតិចបំផុត គឺនៅ អាហ្រ្វិកកណ្តាល និង អាហ្វហ្គានីស្ថាន។ ស្រោមពន្យាកំណើត ត្រូវបានប្រើប្រាស់ច្រើនបំផុត នៅប្រទេសថៃ ដែលមានដៃគូដល់ទៅ ៨២% សារភាពថា ពួកគេតែងប្រើប្រាស់វិធីនេះ ដើម្បីពន្យាកំណើត។
អាពាហ៌ពិពាហ៌ៈ
ពិតជាគួរឲ្យភ្ញាក់ផ្អើលមែន! គឺមានប្រមាណ ៦០% អាពាហ៌ពិពាហ៌លើពិភពលោក ប្រព្រឹត្តទៅដោយ “ម្តាយលើកទុក ឪពុកលើកដាក់”។
ជម្រើសអាយុនៃដៃគូប្រចាំជីវិត ក៏មានការខុសប្លែកពីគ្នាគួរឲ្យចាប់អារម្មណ៍ដែរ។ បុរសនៅអឺរ៉ុបខាងលិច អាមេរិកខាងជើង និង អូស្រ្តាលី ច្រើនចូលចិត្តស្រី្តដែលមានអាយុតិចជាង ២ឆ្នាំ ក្នុងពេលដែលបុរសនៅ Nigeria, Zambai, Colombia, Iran បង្ហាញថា ចូលចិត្តដៃគូជីវិតអាយុតិចជាងខ្លួនដល់ទៅ ៤ឆ្នាំ។
សមាមាត្រនៃការលែងលះ ខ្ពស់បំផុតនៅ អូស្រ្តាលី និង អាមេរិក ហើយទាបបំផុត គឺនៅមជ្ឈឹមបូព៌ា អាហ្វ្រិកខាងជើង និង អាស៊ីប៉ូព៌ា។
សមាមាត្រនៃការ “ស្នេហា” ជាមួយអ្នកដទៃ ក្រោយរៀបអាពាហ៌ពិពាហ៌ ខ្ពស់បំផុត បានទៅស្រីអាល្លឺម៉ង់ និងអាមេរិក ដែលមានតួលេខរហូតដល់...ជាង ៧០%។ តួលេខដដែលនេះ ត្រូវបានកត់ត្រាថា ទាបបំផុតនៅទ្វីបអាស៊ី គឺប្រមាណក្រោម ១០% ប៉ុណ្ណោះ។
រឿងមិនល្អរបស់ Sex
ការស្រាវជ្រាវបានបង្ហាញថា ស្រ្តីដែលកាត់ចោល “ប្រដាប់ភេទ” របស់ខ្លួន ខ្ពស់បំផុត គឺនៅបណ្តាប្រទេសឦសានទ្វីបអាហ្រ្វិក ដូជា អេហ្ស៊ីព ស៊ូដង់ អេត្យូពី អ៊ីរីទ្រី និង សូម៉ាលី។
សមាមាត្រស្រ្តីដែលត្រូវរំលោភផ្លូវភេទ ខ្ពស់បំផុត គឺនៅ អូស្រ្តាលី អាហ្វ្រិកខាងត្បូង និង ស៊ុយអែត។
ប្រទេសជាច្រើននៅអាហ្វ្រិកខាងជើង និង មជ្ឈឹមបូព៌ា ច្បាប់ផ្តន្ទារទោសធ្ងន់ធ្ងរ ចំពោះការួមភេទដូចគ្នា ដែលទណ្ឌកម្ម ខ្ពស់បំផុត គឺប្រហារជីវិត។ រីឯទោសផិតក្បត់ ក៏ត្រូវរងទទួលផលដូចគ្នា នៅ អ៊ីរ៉ង់ និង ប៉ាគីស្ថាន អារ៉ប់ប៊ីសាអូឌីត និង យ៉េមែន។
គួរកត់សំគាល់ថា តួលេខឆ្លុះបញ្ចាំងខាងលើត្រូវបានសិក្សាយ៉ាងម៉ត់ចត់ និងគួរឲ្យទុកចិត្តបាន៕
0 comments:
Post a Comment